UTAPELI: UHITAJI WA UHAMISHO KWA WALIMU WAGEUKA KITEGA UCHUMI!

                                     

.

Uhitaji mkubwa wa walimu kuhama kwa njia ya uhamisho maalumu au kubadilishana halmshauri umetoa mwanya kwa watu kujipatia fedha hisivyo halali kutoka kwa walimu wenye uhitaji huo.

Watu hao wenye nia ya kujipatia fedha kwa njia isiyo halali, tayari wamewawaingiza mjini baadhi ya walimu, kwa kuwatoza kiasi cha fedha kinachoanzia laki moja mpaka laki nne. Si hadithi, tayari kuna walimu wamelizwa hela bila kukidhiwa haja yao.

Mmoja ya mwalimu ambaye ametapeliwa na walimu hao kiasi cha shilingi laki moja kati ya laki tano walizokubaliana ili kukamilisha uhamisho huo, anasema alikutana na madhira hiyo baada ya yeye kutangaza uhitaji wake wa kutafuta mtu wa kubadilishana nae kupitia kundi la mtandao wa facebook ambalo walimu hutumia kutangaza uhitaji wao wa kuhama kisha utaja maeneo wanayopendelea kuhamia na kuweka mawasiliano yake.

Baada ya kuandikika ujumbe wenye nia ya kutafuta mtu wa kubadilishana nae na kuweka maeneo anayoyapendelea pamoja na kuweka mawasiliano yake, siku ya pili alipigiwa simu na mtu aliyejitambulisha kuwa ni mfanyakazi wa TAMISEMI. Mtu huyo alijitahidi kuongea kwa lugha tamu katika hali ya kuonesha kuwa yeye ni kigogo katika wizara hiyo.

Katika maelezo yake alimtaarifu huyo mwalimu kwamba yuko wizarani na wanaratibu uhamisho maalumu kwa walimu ili kuweka uwiano mzuri wa wanafunzi katika mikoa. Hivyo kuna walimu wanahitajika wahamishwe kutoka mikoa mbali mbali wapelekwe halmashauri za Mtwara, Morogoro Manispaa, Kinondoni na Ilala.

Baada ya kupewa maelezo hayo mwalimu huyo aliambiwa kama ana uhitaji, atume fedha taslimu laki tano ili kigogo huyo awahonge wajumbe wenzake wapitishe jina la mwalimu huyu liwe miongoni mwa majina yatakayohamia Manispaa ya Morogoro ambako mwalimu huyo alionesha nia ya kutaka kwenda.

Mwalimu mwenye uhitaji wa kuhama aliomba apunguziwe, lakini kigogo huyo wa uongo hakukubali, mwishowe wakaafikiana kuwa mwalimu huyo atoe shilingi laki moja na kiasi kilichobaki atamalizia mara atakapopata barua ya uhamisho.

Mwalimu alituma hela hizo laki moja, lakini mara baada ya kuzituma muhusika akazima simu, hakupatikana, alikuja kupatikana siku ya pili. Cha ajabu baada ya kupatikana akaibuka na dai lingine la kuongezewa hela, mwalimu alivyokuwa mgumu kuongeza kiasi cha fedha, kigogo huyo akadai fedha hiyo haitoshi kumuhamisha hivyo asubiri mwakani!

Muda si mrefu laini ile ya simu haikupatikana tena, jitihada za kuziokoa zile fedha kupitia kuwasiliana na huduma kwa wateja ziligonga mwamba baada ya kuambiwa mtu huyo amekwisha toa kiasi hicho cha fedha.

Walimu mlio katika uhitaji wa kuhama make chonjo maana kuna wimbi kubwa la utapeli wa namna hii,wapo hata watu wanaotuma ujumbe wa maneno kusema kuna mtu anaweza kukusaidia kuhama. Hao wote ni wale wale, tukumbuke pia uhamisho umesitishwa mpaka hapo serikali itakapotanngaza tena.

Share this

mrteacher