CHEMCHEMI YA KUJICHOTEA MAFANIKIO KWA WATUMISHI NA WATU WOTE

Iko fursa adhimu sana ya kujiendeleza kielimu kwa wafanya kazi, wafanyabiashara, wakulima, wazee na vijana, wanawake na hata wanaume ambayo haijafahamika kwa watu wengi. Watu wa chache waliyobaini fursa hii ya kujiendeleza kitaaluma wameitumia, wanaitumia na watataiendelea kuitumia kadiri ya hali, uwezo na mahitaji yao. Mr. Mwalimu Blog inakufafanulia

 Na kwa ukweli halisia watu waliyoitumia fursa hii ndoto zao kimaisha zimetimia, maisha yao kikazi, kibiashara na kiuchumi hayajabaki vilevile, wamekuwa watu wengine, elimu imebadilisha maisha yao hata wamekuwa watu wenye thamani kubwa na manufaa ya mapana na ya kina kwa jamii hata nchi.

Kwa kuwa fursa hii ni ya thamani, ina nguvu ya kubadilisha maisha ya watu wengi kwa wakati mmoja lakini haifahamiki kwa wengi, nimeona niandike ufahamu wangu mdogo juu ya fursa hii ambayo imekuwa kama ardhi yenye dhahabu ambayo iko katika makazi ya watu ambao hawatambui kama udongo wanao ukanyaga una utajiri mkubwa!

 Huenda kupitia andiko hili watu mbalimbali wataamsha shauku ya kujiendeleza kielimu, watarejesha matumaini ya kujiendeleza baada ya kukata tamaa kutokana na vikwazo mbali mbali vya kimazingira, kikazi, au kiuchumi hatimaye nchi ikanufaika kupitia kujiendeleza kwao.Mr. Mwalimu Blog inakufafanulia

Nchi hii ingali ina uhaba mkubwa wa wasomi, ndiyo maana watu wenye kujiendeleza kielimu wana nafasi nzuri ya kuwa viongozi katika mazingira yao ya kazi, katika jamii na hata katika nchi. Elimu bado ni ufunguo wa mafanikio wenye thamani kubwa katika ulimwengu na katika nchi ya Tanzania. Kwa mantiki hiyo, elimu inaongeza thamani ya mtu hivyo kila mtanzania anapaswa kufikiri namna atakavyojiendeleza kielimu.

Elimu haina mwisho, kuridhika na kiwango fulani cha elimu, ni kasumba mbaya inayodumaza mafanikio ya wengi pia inadumaza ustawi wa Taifa. Watanzania ni miongoni mwa watu wenye kasumba ya kutojishughulisha sana kujiendeleza kielimu hasa baada ya kupata kazi inayokidhi mahitaji yao.

Tuna watu wengi wenye uwezo wa kujiendeleza kielimu hawafanyi kwa sababu ya kuridhika kupindukia, kwa sababu ya kutokufahamu umuhimu wa kujiendeleza au kwa sababu ya kukatishwa tamaa na mazingira na taratibu za kazi wanazofanya.Mr. Mwalimu Blog inakufafanulia

Matokeo ya hali hii ni kwamba kuna baadhi ya watumishi wa serikali wakiwemo walimu, wahudumu wa afya, maskari, maafisa maendeleo n.k ambao wana zaidi ya miaka kumi wakiwa na kiwango kile kile cha elimu ambacho walianza nacho kazi miaka mingi iliyopita.

Kwa kweli kuna watumishi ambao wanaanza kazi mpaka wanastaafu bila kijiendeleza kielimu, hivyo kuna watu wanafanya kazi miaka thelathini na kustaafu akiwa na kiwango kile kile cha elimu alichoanza nacho, yaani kama alianza kazi miaka ya sabini akiwa na stashahada anastaafu leo akiwa na stashahada ile ile!

Wakati watumishi wengi wakisita kujiendeleza kielimu kwa sababu mbalimbali ambazo kwao ni za msingi, watumishi wengine wa serikali na wa umma wanajiendeleza kitaaluma kila mchwao. Mathalani wako watumishi walioajiriwa wakiwa na elimu ya kidato cha nne, leo wana astashahada, stashahada, shahada na hata baadhi wana shahada za uzamili! Hivyo hata hawako tena katika nafasi za kazi walizoanza nazo, wala hawako katika madaraja ya mishahara waliyoanza nayo. Wako katika nafasi za juu kiutendaji, wapo katika madaraja ya juu ya malipo na maisha hayako vile vile.Mr. Mwalimu Blog inakufafanulia zaidi;

Kama wewe ni mtumishi wa umma au sekta binafsi, ambaye umejiandaa kustaafu ukiwa na kiwango hicho hicho cha elimu ulichonacho leo, kama wewe ni mtu mwenye kiwango fulani cha elimu na haujafikiria kukiongeza kwa sababu mbalimbali za kulaumu watu, wazingira au kujitetea, naomba nikuombe ubadilishe mtizamo wako, nakuanzia sasa ufikirie kujiendeleza kwa sababu ipo nafasi ya kujiendeleza. Chemchemi hiyo ya kuichotea elimu itayotoa maji ya kumwagilia ndoto zako, ziote,zistawi na hata zizae matunda ni Chuo kikuu Huria cha Tanzania.

Katika mazingira ya sasa licha ya kwamba mwamko wa elimu si mkubwa lakini  watu wachache wanaopenda kujiendeleza kielimu wanakutana na vikwazo vingi sana katika kutimiza ndoto zao. Moja ya kikwazo ni sheria na taratibu za utumishi wa umma ambazo zinataka mtu kuomba kwenda masomoni baada ya kutimiza miaka mitatu ya utumishi.

Ugumu zaidi unakuja kwa sababu hata baada ya kutimiza miaka mitatu, mazingira ya kupata ruhusa kwenda masomoni yanabaki kuwa magumu. Kwa nini? Kwa sababu wanaoomba kwenda kusoma katika baadhi ya taasisi na idara ni wengi hivyo ruhusa utolewa kadiri ya uwezo na uhitaji wa taasisi. Na wakati mwingine mazingira ya rushwa na upendeleo huusika pia ili kupata ruhusa hizo kutoka kwa watendaji wao wakuu.

Watu wenye kupenda kujiendeleza kitaaluma lakini kazi wanazofanya zinawabana, wana nafasi  ya kujiendeleza kupitia elimu ya masafa, wale wenye kuweza kupata muda saa za jioni wanaweza kutumia muda huo kujiendeleza kupitia mfumo wa madarasa ya jioni kila siku katika Chuo kikuu Huria.Mr. Mwalimu Blog inakufafanulia kwa kina.

Mfumo mwingine wa utoaji wa elimu katika chuo kikuu Huria ni mfumo maalumu(Exacutive) ambapo wanafunzi wa taaluma fulani ukusanyika mkuo fulani kwa kipindi cha siku kadhaa wakifundishwa na wahadhiri makini wa chuo kikuu Huria na kisha hurejea makwao. Ukifahamu jinsi Chuo hiki kinavyotoa elimu bora kwa bei nafuu na kwa njia au mazingira rahisi basi hauna sababu ya kukaa na kiwango kile kile cha elimu miaka nenda rudi.

Chuo kikuu Huria cha Tanzania ni miongoni mwa vyuo bora nchini ambacho hivi sasa kinatumiwa na watu mpaka nje ya nchi ikiwemo nchi za Zambia Malawi, Zambia, Rwanda, Burundi, Misri n.k kinatoa nafasi ya kujiendeleza kwa bei nafuu kadiri ya muda wako. Ni chuo ambacho kila mtu anaweza kukitumia kujiendeleza kwa kuwa kinatoa elimu ya taaluma mbali mbali kuanzia ngazi za astashahada,stashahada, shahada, shahada za uzamili na hata za uzamivu.

 Ikiwa fursa hii inawanufaisha mpaka watu wan je ya nchi, vipi wazawa tunaoizunguka chemchemi ya elimu tusijinufaishe nayo. Tuseme ni kweli ,kwamba, penye miti hapana wajenzi na upele umuota asiye na kucha?

Katika wakati huu ambao serikali ni kama imebana zaidi mazingira ya watumishi wake kupata fursa ya kujiendeleza, kutokana na kuweka masharti magumu kwa watu wanaotaka kwenda kusoma, kama vile, watumishi watakaokwenda kusoma wawe wametimiza miaka mitatu ya utumishi, watumishi watakao enda masomoni kutokupandishwa madaraja, katika mazingira mengi watumishi watakaoenda kusoma watalazimika kusitishiwa asilimia kumi ya mishahara yao au kusitishiwa mshahara.Mr. Mwalimu Blog inakufafanulia uelewe.

 Chuo kikuu Huria cha Tanzania ni fursa pekee ya kufanya usome huke ukiendelea na kazi hivyo kulinda maslahi yako kama mfanyakazi, ni fursa ya kujiendeleza hata kwa watumishi ambao hawajatimiza miaka mitatu kazini. Hakuna sheria inayombana mtumishi kujiendeleza kielimu kupitia chuo kikuu cha Tanzania.

Tunao viongozi na watu wa kawaida walioitumia fursa ya chuo kikuu Huria, kujiendeleza mfano mzuri ni Waziri wa Tamisemi wa sasa George Simbachawene, kwa kweli ni mtu mtu anayestahili kupongezwa sana kwa bidii yake ya kujiendeleza kielimu kutoka ngazi ya chini kielimu hata akahitimu shahada ya sheria katika chuo kikuu Huria. Job Ndugai, spika wa Bunge la jamuhuri la Muungano, makamu wa Rais wa sasa Samia Suluhu Hassani na wanasiasa na viongozi wengine wengi ni miongoni mwa walioiona fursa ya chuo hiki na kuitumia kwa manufaa.

Jambo moja linalonivutia sana waziri mkuu wa sasa, Mh. Kassim Majaliwa, ni historia yake kielimu, ameanzia ngazi ya cheti (astashahada), akajiendeleza huku akifanya kazi mpaka kufikia kuhitimu shahada ya uzamili, na hivyo pia tunao walimu wa UPE waliofanya mafunza ya elimu kwa muda mfupi ili kuondoa changamoto ya uhaba wa elimu wakiwa ni wahitimu wa darasa la saba tu lakini leo hii ni wahitimu wa astashahada,stashahada, shahada na hata shahada za uzamili na uzamivu.

Watumishi wa umma, watumishi wa sekta binafsi na watu wote tuhamasike kujiendeleza kielimu. Ulimwengu huu ni ulimwengu wa elimu fikiria na amua kujiendeleza, weka kando visingizio sehemu ya kujiendeleza kwa gharama nafuu, kwa mazingira rahisi na ukapata elimu bora ipo.Mr. Mwalimu Blog inakufafanulia tena

Kama viongozi wetu wa ngazi mbalimbali wanaweza kujiendeleza kielimu licha ya majukumu mengi waliyonayo, wewe unakosaje hamasa na nafasi ya kujiendeleza. Zinduka, acha visingizio, tumia fursa chuo hiki kujiendeleza. Wakati huu, mtu anayefanya kazi miaka kumi bila kwenda kujiendeleza kielimu kiasi akastaafu akiwa na elimu ile ile aliyoanza nayo ni uzembe wa kutumia fursa.

Mr.Mwalimu.Blogspot.com.

mrmwalimu@yahoo.com, 0746492600

Share this

mrteacher